82日就係全民運動日,今年嘅全民運動日比較特別,由於疫情嚴峻,大家都盡可能留喺屋企,不過其實喺屋企入面都一樣可以做運動,今日我哋就請嚟香港長跑運動員屈旨盈(Crystal),教大家室內做運動嘅秘技。

跑步前後 熱身Cool Down

原來就算喺未有疫情嘅時候,Crystal平時都會早啲起身,喺屋企做15分鐘伸展運動同簡單熱身,以喚醒身體肌肉,先至出發去跑步,返來之後亦會做Cool Down

平時佢喺屋企主要鋪一塊瑜伽墊,做一啲體能運動:「因為跑步要需要核心肌肉力量同腿部力量,喺家中練體能會以呢啲部位為主。伸展運動則主要伸展腿部肌肉,包括小腿、大腿等。」

佢表示雖室內限制較多,但練體能嘅方法都有好多種,包括PlankSit up、掌上壓、半蹲,或者用水樽當啞鈴都得。有時佢亦會喺屋企用橡筋帶,加一些阻力俾自己,令訓練多一啲變化。

簡單半蹲 鍛煉大腿力量

Crystal就教大家一招好簡單嘅體能練習,就係練半蹲,簡單嚟講,就係坐低然後起身,可以鍛煉大腿肌肉力量。假如自問腳力唔夠嘅話,開始嘅時候可以倚住梳化、床或櫈借力,開頭做1520下,熟習之後,就可以唔使借力。Crystal仲提醒大家,企嘅時候雙腳要對正前面,唔好內八字或者外八字,蹲下去時膝頭唔好超越腳尖,否則對膝頭唔好,仲要有少少坐後,背部保持挺直,唔好彎腰,雙手就要伸直同肩保持水平,或者扶住東西都得!

Crystal仲話,如果想更進一步,就可以試試單腳做。佢話:「我哋跑步運動員好多時都係用單腳著地,所以特別注重單腳,保持穩定性及力量。」


屈旨盈(Crystal

2018年馬拉松女子排名香港第一

2018年亞運會及2019年亞洲馬拉松錦標賽香港代表


圖:受訪者提供


Crystal會喺室內做伸展伸展運動,主要伸展腿部肌肉,包括小腿、大腿等。


Crystal話大家可以喺室內練半蹲,鍛煉大腿肌肉力量,開始嘅時候可以倚住梳化、床或櫈借力。


熟習之後,就可以唔使借力,Crystal提醒大家企嘅時候雙腳要對正前面,唔好內八字或者外八字,蹲下去時膝頭唔好超越腳指尖,背部保持挺直。


如果再叻啲,就可以試試用單腳做。


作為長跑運動員,屈旨盈表示練習體能都以核心股肉力量及腿部力量為主。


屈旨盈係香港著名長跑運動員,為了夢想,更毅然辭去教師工作,全身投入訓練,去年喺亞洲馬拉松錦標賽跑得第10名嘅佳績。