本港爆發第三波疫情,唔少人都趁機入定啲口罩以長期抗疫。雖然目前本港口罩供應數量多咗,但價格始終高企,對基層市民嘅負擔仍然好大。有見市面上兒童口罩需求大增,新世界發展有限公司正式生產兒童口罩,並宣佈將第一批自家製30萬個兒童口罩,透過唔同嘅非牟利機構贈予基層小朋友,日後仲會繼續捐。新世界發展執行副主席兼行政總裁鄭志剛表示,「在這個艱難時刻,我們更加要利用企業的力量扶助基層小朋友」,「免卻家長再度經歷『撲口罩』之苦」。

 早前新世界推出全港首創嘅「自助口罩提取計劃」,同非牟利機構合作,向預先登記嘅基層同弱勢社群派發「口罩提取卡」,等佢哋可以每星期憑卡自行去「自助口罩提取機」領取口罩。呢個計劃原定為期10個星期,但近期疫情持續,新世界決定將計劃延長至今年十月底。

圖:新世界發展網頁