香港新冠肺炎疫情嚴峻,政府早前宣布收緊一系列防疫措施,包括全日禁止食肆堂食、要求市民喺室內、室外公共場所配戴口罩,措施已經喺今日實施。有唔少人都認為,戴口罩好唔方便,尤其是飲食,有專家指出拉低口罩,有機會令雙手沾染口罩上嘅病毒。早前,以色列專利發明實驗室Avtipus就設計咗一款遙控口罩,唔知幫唔幫到大家呢?

呢款口罩外形獨特,就好似經典遊戲《食鬼》(Pac-Man)咁,用家只需要撳個掣,就可以打開口罩中間,用家就將食物放入口中,只要拎出餐具,口罩就會自動合埋。

呢款遙控口罩只適合食一啲固體食物,雪糕之類嘅食物就仍然有一定困難。每個遙控口罩定價85美仙至2.85美元(6.6至22.2港元)不等,唔知大家又覺得值唔值呢?

原圖:Twitter@Lluvia4D