喺新冠肺炎疫情期間,唔少活動都受到影響。日本東京一間美術館,最近就舉行咗一個別開生面嘅展覽,俾民眾喺疫情之下有一個喘息放鬆嘅空間。

位於東京嘅世田谷美術館,最近就舉行咗一個《沒有作品的展覽》,場內一件展品都無,但有唔少有去參觀嘅網民都形容身心舒暢,「聽住自己嘅呼吸再望風景,係最佳享受」、「終於唔使再感到逼迫嘅環境」。

世田谷美術館由已故設計師內井昭藏設計,佢希望將美術館打造成一個生活空間、開放空間,以及公園美術館。平時喺館內,參觀人士可以一面觀賞作品,一面觀賞窗外嘅風景,藉住今次呢個《沒有作品的展覽》,參觀人士可以將焦點放返喺美術館本身,自然同建築嘅融合美。

原圖:Twitter@liarsuwa、Twitter@boone4649