喺疫情期間,唔少人失去工作、自顧不暇,對於一直依賴善長捐款嘅自負盈虧、無接受政府資助嘅善寧會嚟講亦然,佢哋嘅捐款同樣大受打擊。不過近日佢哋就收到一筆高達252萬嘅善款,為此佢哋特登向呢位已離世嘅善長發文致謝。

 善寧會係一間非牟利慈善機構,主要提供善別輔導服務,為晚期病者喺生命最後階段帶來尊嚴同平安。早前,善寧會收到鄧小姐電話,佢嘅誼父陳先生生前立下巨額保單,指定當中約252萬港幣嘅保額撥捐善寧會,呢筆善款係善寧會成立以來所收過嘅最大筆個人保單捐款之一。陳先生甚至唔係善寧會嘅服務使用者,而佢同善寧會嘅緣份,源自佢喺賽馬會善寧之家嘅一次探病經歷。善寧會感謝陳先生嘅信任同慷慨捐輸,並承諾「定必竭盡所能,延續這份關愛,讓更多晚期病者受惠。」

圖:FB@善寧會Society for the Promotion of Hospice Care