白化症患者因為全身皮膚、毛髮都發白嘅外貌特征,往往會惹來他人唔友善嘅目光。不過哈薩克一對患有白化症嘅姐妹一於唔理世人嘅歧視,自信做自己,成為深受當地人歡迎嘅耀眼模特兒!

 今年14歲嘅Asel Kalaganova同2歲嘅妹妹Kamila,都係白化症患者,佢哋嘅父母同兄弟姐妹就係正常人。Asel因為呢個遺傳病,經常喺學校被人指指點點。之後,Asel轉到一間模特兒學校讀書,依然受盡歧視。不過Asel無輕易放棄自己嘅人生,反而喺10歲嗰陣就開啟咗佢嘅模特兒生涯,漸漸受外界關注。妹妹Kamila出世後,佢更同妹妹拍住上做模特兒,宜家兩姐妹嘅IG已經有超過6萬個粉絲,係當地最受歡迎嘅模特兒之一。

圖:IG@assel_kamila