香港爆發第三波新冠肺炎疫情,有專家呼籲市民盡量食飯買外賣、唔好堂食,不過對打工仔嚟講,就算買外賣返office食,同事們除口罩食飯,都有一定傳播病毒嘅風險。最近日本一間有過百年歷史嘅便當老店「淡路屋」,就推出咗一款別出心裁嘅便當盒,只要打開便當盒,將左右兩邊嘅紙卡插好固定,形成小屏風,阻隔自己同身邊其他人嘅飛沫。

淡路屋預計,將於8月上旬開始逐步採用呢款新設計,唔少網民大讚細心,仲話從此除口罩食飯都唔使驚啦!

原圖:淡路屋