因應疫情又再爆發,早前康文署已經採取相應防疫措施,由7月20號起暫停十八區康樂事務辦事處嘅櫃檯服務直至另行通知,並暫停開放轄下嘅康樂場地同設施。而原定8月2號舉行嘅「全民運動日2020」,亦將會取消開放康樂設施。康文署會喺當日喺網上播放一系列全新嘅健體運動示範影片,鼓勵市民喺屋企做運動。

康文署每年8月都會舉行「全民運動日」,免費開放大部分康樂設施俾巿民使用,鼓勵唔同年齡市民參與體育活動,所以每年運動日,康文署嘅設施、場地都會被book爆。但今年為咗抗疫,「全民運動日」改喺網上推廣,市民可以留意康文署網頁或網上資源中心,觀看一系列簡單易學健體運動示範,喺屋企做適量運動。

圖:政府網頁