喺新冠肺炎疫情期間,尤其是最近政府禁止食肆晚市堂食,唔少人都選擇叫外賣,減低病毒傳播風險。有外送平台更鼓勵客人同外賣員,以「無接觸」嘅方式交收食物,但最近就有位台灣網友分享佢一個令人哭笑不得嘅外賣經歷。

呢位網民早前上傳咗一張相片去到Facebook群組「爆笑2公社」,相中見到有份外賣掛咗喺門外、橫向嘅手柄上,一旦呢位網民喺室內扭動手柄開門,外面嘅手柄亦會隨即向下,令成份外賣掉落地上,佢無奈地表示:「我開門也不是,不開也不是。」

有其他網民留言表示,要俾呢位外賣員「差評」,亦有網民分享短片(https://www.facebook.com/100024566415619/videos/746485656180308/),表示只要速度夠快,就可以唔跌都拎到份外賣。

原圖:FB@爆笑2公社