今日就係中學文憑試(DSE)放榜嘅大日子,希望各位考生都取得一個理想嘅成績啦!就算一時失手都唔緊要,仍然有唔同出路等住大家嘅,有啲學生會選擇讀副學士或者高級文憑,亦有啲學生會選擇自修重考。不過點揀先適合自己呢?今日就等學友社學生輔導中心註冊社工張煒瑜講下點揀好啦。

張煒瑜就話,其實升讀副學士或者高級文憑,同重考DSE兩者形式好唔同,DSE好處同壞處都係「一試定生死」,但升讀副學士或者高級文憑就係睇整體成績,除咗考試之外,仲有做功課同匯報(presentation)。如果鍾意課程內容,讀副學士或高級文憑就會比較有利。但相反,如果鍾意考試嘅話,就重考DSE比較適合。

張煒瑜又提到,兩者報讀大學嘅方式亦有唔同,DSE就係經聯招(JUPAS),讀副學士或高級文憑就係以非聯招(Non-JUPAS)嘅方式自行報讀,到時睇嘅就係GPA成績。

原圖:學友社、FB@Community College of City University (CCCU)