小朋友本來應該無憂無慮咁成長,但國際間拐賣兒童、利用兒童犯罪盈利等問題一直存在。美國一位前特工爸爸Tim Ballard,因為工作原因目睹好多小朋友受害,所以佢7年前成立咗非牟利組織,專門打擊兒童性交易犯罪,拯救小朋友於水深火熱之中。Tim嘅傳奇故事仲改編成電影《Sound of Freedom》添~

 Tim曾經係美國中央情報局及國土安全部特工,主要負責偵查兒童性交易罪行,專門調查涉及戀童癖者及販賣兒童色情製品。工作期間,Tim親眼見到好多小朋友受害,但喺好多中南美洲國家,犯罪集團同警方互相勾結,加上美國係呢啲國家無司法管轄權,令Tim感到非常無力。

 最後,Tim決定辭職,成立救援組織Operation Underground Railroad,更招募中央情報局、國土安全部人員、現役或退役嘅海豹部隊隊員、陸軍特戰部隊等專業人士加入,致力喺全球各國打擊性交易犯罪,希望可以喺人販仔手上營救小朋友。截至2018年,機構已拯救出超過1682名小朋友,協助逮捕848個人販。Tim坦言,當時曾經猶疑過,因為屋企有6個小朋友,不過佢嘅太太非常支持佢嘅決定,令Tim堅定咗信心。太太仲好支持領養,兩人收養咗一對黑人兄妹,组成一個擁有9個小朋友嘅家庭。太太之後更成立組織Children Need Families,幫助促進收養同寄養。佢哋相信自己做緊正確的嘅事,並會堅持下去。

圖:FB@Tim Ballard