週三就係中學文憑考試(DSE)放榜嘅大日子,教育局局長楊潤雄日前發表網誌,恭喜今屆考生踏入人生另一個階段。

楊潤雄表示,2020/21學年各院校合共提供約52,600個全日制專上課程學額,可以滿足到今年約44,600名日校文憑試考生嘅升學需要,呼籲同學毋須過分憂心,可以按自己嘅興趣同能力,選擇適合自己嘅出路,盡展所長、綻放光芒。

楊潤雄又提到,為協助學生修讀自資專上課程,考獲「3322」或以上成績並修讀合資格院校開辦嘅自資學士學位課程嘅學生,均可獲得免入息審查資助,來年嘅資助金額更增至每年$32,100。

最後,楊潤雄引用《禮記‧中庸》嘅說話「博學之,審問之,慎思之,明辨之,篤行之」勉勵學生,要多方面學習,汲取更多知識,仲要慎重思考、明辨是非,最後身體力行,成為社會棟樑。楊潤雄仲話,無論係邊個,只要努力,都可成材。

原圖:文匯報