近排本港新冠肺炎嘅感染數字屢破新高,搞到個個人心惶惶,無得在家工作嘅打工仔就梗係會擔心辦公室嘅高危播毒位喇!香港中文大學醫院營運總監胡志遠,同埋香港中文大學醫院公共衞生醫學專科醫生蔡曉陽之前就喺網上分享過辦公室防疫貼士,究竟咩位最高危呢?

 馬來西亞曾有醫護人員懷疑喺茶水間染疫,相信同茶水間太窄有關。胡志遠認為茶水間屬高危地點,因為每日進出人流眾多,唔少人更會喺茶水間除低口罩。胡志遠表示,清潔公用電腦設備同文具亦十分重要,佢建議使用鍵盤、滑鼠、電掣、影印機前,應用消毒紙巾抹乾淨。

 蔡曉陽指,洗手間係其中一個陷阱位,因為門柄、水喉、廁格門鎖等位置都有機會有病毒,所以唔應該直接用手觸碰,可以用紙巾隔住,或者掂過以上地方之後用梘液清潔雙手20秒,用抹手紙印乾雙手,再利用同一張抹手紙開門離開。

圖:網上圖片