歌仔都有唱「世上只有媽媽好」,四川一位護士媽媽為咗鼓勵囡囡重考醫科,決定「陪太子女讀書」,喺工餘時間努力溫習,最終同囡囡一齊雙雙獲得碩士課程取錄,之後母女檔拍住做同學,真係可喜可賀~

 25歲嘅露露畢業於臨床醫學專業,本嚟想再報讀碩士課程,無奈連續2年考試都失敗,舊年再準備考第三次。佢嘅媽媽白永旗係西南醫科大學附屬醫院嘅兒科護士長,白永旗眼見囡囡已經無乜鬥志,考試前3個月仲未認真溫書,於是決定同囡囡一齊報考。白永旗平時工作雖然忙碌,但就每日早起晚睡,甚至利用平時步行返工、去洗手間、等紅綠燈嘅時間溫書。露露見到媽媽咁努力,亦都被媽媽嘅堅毅激勵:「如果媽媽考上了我沒考上,太不好意思,因此激勵了我。」最後,兩母女齊齊被錄取,白永旗好開心:「我們是母女、同事,未來三年成為同學,這段經歷太奇妙。」

圖:中國青年報