宜家市面買到嘅蛋糕又靚又好食,睇到都想食,但係美國有個蛋糕烘焙師Luke Vincentini仲可以將蛋糕整成皮鞋、罐裝飲品等物品,整乜似乜。但原來Luke醉心烘焙係因為母親一個心願,為咗等媽媽再重溫一次結婚當日食嗰個蛋糕嘅甜蜜味道,Luke先愛上烘焙!

話說Luke細個見到父母嘅結婚相入面有一個很大很靚嘅結婚蛋糕,爸爸就解釋呢個係爺爺為咗慶祝佢哋新婚而親手整嘅,仲話Luke嘅媽媽當時勁讚呢個蛋糕,宜家都仲忘記唔到嗰種甜蜜味道。Luke從此記喺心底,下決心大個咗一定要學整蛋糕。Luke之後瞞住媽媽,查問出席過當年婚禮嘅賓客,不斷嘗試整蛋糕請媽媽品嘗。雖然媽媽每次都話好食,但直到2012年嘅聖誕節,媽媽試完Luke炮製嗰個節日蛋糕表現驚喜,先終於講出一句佢等咗很多年嘅話:「吃完這些蛋糕,讓我感到非常甜蜜。」於是,喺父母25周年結婚紀念日,Luke送咗一個令媽媽心心念念、掛咗四分一個世紀嘅甜蜜蛋糕,一圓媽媽心願。

圖:IG@Luke Vincentini