喺新冠肺炎疫情再次喺香港爆發,唔少人都會憂慮病毒經大廈喉管進入屋內。水務署Facebook專頁「滴惜仔 Water Save Dave」最近就出post呼籲市民,唔好用漂白水沖廁,因為長期用漂白水沖廁,反而有機會令喉管損壞同滲漏。想防止病毒經座廁傳入屋企,只需要沖廁之前冚埋廁所板就可以喇。

另外,香港大學感染及傳染病中心總監何栢良早前亦都曾經講過,如果市民向渠口倒漂白水,會嚴重污染環境,呼籲市民只需要每日向U形聚水器倒入清水,令佢長期儲水,就可以防止病毒經喉管散播。

原圖:RTHK、FB@滴惜仔 Water Save Dave