下個星期三就係DSE放榜日,唔知各位考生準備好未呢?因疫情未見好轉,職業訓練局(VTC)宣布今年收生統一改為網上報名,考生可以喺放榜當日喺網上報讀心儀課程,學生完成申請程序後一小時內就收到取錄結果。如報讀課程需要面試,學生提交網上申請後就會有專人聯絡,以網絡視像會議形式面試。

職訓局高級助理執行幹事任影嬋表示,今年雖然改為網上形式申請,不過院校仍然會開放,並提供少量電腦俾有需要嘅考生親臨院校做網上報名。任影嬋又表示,截至七月,申請報讀各項課程嘅學生共有28000人,比舊年同期跌約一成,主要原因係中六考生人數比往年少。

圖:VTC網頁