喺新冠肺炎疫情期間,唔少國家都限制出入境,航空業大受打擊。國泰航空旗下嘅國泰航空飲食服務 (Cathay Pacific Catering Services),最近亦都轉型,推出外賣服務,有網民就話,去唔到旅行,食飛機餐慰藉下都好喎!

最近網上就流傳咗一張,印有國泰航空飲食服務標誌嘅外賣單張,一共有4個餐選擇,劃一每份連飲品售40元,每人截止訂餐時間係早上10點,分12點同12點半兩個時段送餐,但只送東涌及機場(包括禁區範圍)。有傳媒向國泰方面查詢,並獲得證實。

有網民就講笑,就話唔知會唔會有空姐負責送餐,亦有人話去唔到旅行都想食下飛機餐。有喺機場工作嘅人就話呢個安排好方便,因為現時機場可以選擇嘅餐廳唔多。

原圖:RTHK、FB@商報