相信好多人一聽到「放暑假」三個字,就開心到彈起啦!但今年比較特別,學生突然提早放暑假,不但令家長及學校措手不及,連帶亦衍生出唔少問題。

啟德平安福音堂親子及青少年活動中心主任黃結宏表示,暑假長咗,小朋友多數困喺屋企,令佢哋情緒比較差,加上同父母或其他家人多咗時間接觸,也有機會多咗磨擦。所以他認為家長要多啲同小朋友溝通,了解佢哋嘅需要。

而福幼基金會總幹事陳敏樂就表示,佢哋主要服務劏房兒童,喺過去疫情期間,好多小朋友住喺劏房,生活空間比較細,經常瑟縮喺床上,缺乏活動空間,因此該會打算做一啲項目俾小朋友,等佢哋即使喺很細小嘅空間內,也有佢哋嘅小天地。