新冠肺炎喺全球多國蔓延,曾經有人提出以「群體免疫」嘅方式抗疫,不過英國最近就有研究發現,新冠肺炎患者體內嘅抗體會喺幾個月後消失,即係意味住患者康復之後有機會再次感染新冠肺炎,反映以「群體免疫」方式抗疫並不可行。

呢項研究由倫敦國王學院(King's College London)進行,科學家分析超過90位患者嘅抗體水平,發現有大約6成患者喺確診新冠肺炎之後幾個禮拜內出現有效抗體反應,但過咗3個月之後,只有16.7患者仍然有高水平抗體,有部分患者甚至完全檢測唔到有抗體。研究又發現,新冠肺炎重症患者嘅抗體水平較一般患者高,而持續時間亦都較長。

研究人員指出,「群體免疫」強調群體入面要有6至7成人受感染並且康復,就可以大大降到疾病爆發機會,但以今次研究結果反映,「群體免疫」不太可能實現。

原圖:新浪