歌手麥潔文同演員江華嘅大仔陳耀淙係護士,之前曾自薦入Dirty Team隔離病房工作,近日新冠肺炎又再喺社區爆發,麥潔文表示唔擔心囝囝再被召入Dirty Team,仲好支持佢添。

陳耀淙任職護士已有3年,早喺2月新冠肺炎疫情爆發嗰陣,自願加入Dirty Team。佢之前接受訪問話覺得做護士極有意義,宜家喺大埔那打素醫院內科(胸肺科/呼吸科)做護士。近排麥潔文同囡囡錄製節目嗰陣被問到,會唔會擔心囝囝再被召入Dirty Team。麥潔文就話:「即使再被召也不擔心,他亦無所謂,隨時作好準備,他幫人都是做對社會有貢獻的事,我很支持。」

圖:微博@麥潔文