香港書展原定於今個禮拜三起舉行,但因為近日連續多日出現多宗新冠肺炎本地個案,有唔少專家都呼籲暫停舉行書展。香港貿發局今日就宣布,書展同另外三個同期舉行嘅公眾活動都會延期舉行。

三個同期舉行嘅活動包括香港運動消閒博覽(7月15至21日)、教育及職業博覽(7月16至19日)同創業日(7月16及17日)。政府表示,會繼續透過防疫基金措施,為業界提供支持。而貿發局將會同唔同持份者聯絡,商討具體安排,如有最新發展將適時公佈,另外持有有效門票嘅人士,可申請退票,退票詳情可以留意書展網站(www.hkbookfair.com)公佈。

除咗書展,香港電腦商會亦都宣布,原定8月21日至24日舉行嘅「香港電腦通訊節2020」暨「健康與運動科技博覽」將會延期舉行。

原圖:RTHK、大公報