香港最近爆發新一波新冠肺炎疫情,出現多個本地感染群組及多宗感染源頭不明個案。政府抗疫專家顧問、中大呼吸系統科講座教授許樹昌今日接受電台訪問時,形容現時疫情係「大件事」,除咗有近3成個案感染來源不明、搵唔到相關緊密接觸者外,仲確診者仲涉及多個行業,反映病毒已經滲入社區,佢建議收緊防疫措施,暫時亦唔應該舉行大型活動,包括書展。

許樹昌表示,有專家指病毒可以由1人傳俾3至4人,反映傳染力好大,如果再唔收緊防疫措施,大爆發機會好大。佢又話,如果未來兩日情況仍然嚴重,政府應考慮實施在家工作,相信私人機構亦會跟隨,現時亦都唔應該再舉行大型活動,包括書展,佢警告,如果唔收緊措施應,疫情有機會散開去,屆時公立醫院體系未必承受到。

貿發局尋晚回覆傳媒查詢時表示,正因應疫情最新發展,同不同持份者商討應對方法,將會盡快公布有關書展、香港運動消閒博覽、教育及職業博覽和創業日嘅最新安排。

原圖:RTHK