一場新冠肺炎,令原本今年舉行嘅東京奧運會押後到出年舉行,而2020年殘疾人奧運會(殘奧運)亦都押後至2021年8月24號至9月5號舉行。不過,賽事延期亦無阻一班香港殘疾運動員決心爭取入圍名額同準備賽事。

香港運動員危家銓、吳玫薈、王婷莛、楊曉林、鍾美娟等分別取得射箭、兵乓球、硬地滾球、馬術項目嘅賽事入場券。由於羽毛球同輪椅劍擊項目資格期限順延,參賽席位仲有待落實。

圖:中新網