新冠肺炎疫情期間,唔少人都多咗留喺屋企,但原來喺屋企廁所排便都可以成為一門專業,仲有錢賺添!最近智能座廁公司Tushy招聘緊「排便專家」出任佢哋嘅「糞便事務副總裁」,主要工作就係測試各款智能座廁,做夠3個月就可以得到1萬美元(約7.8萬港元)報酬!

Tushy嘅官網就提到,糞便事務副總裁需要喺呢3個月裡面,每日排便30至60分鐘,同埋紀錄自己嘅體驗,亦需要為社交媒體製作短片,以及測試各種腸道及臀部健康嘅傳聞。

網站仲提到,應徵者需要最少21年嘅大便經驗,而且要有強勁嘅排便管理能力同技巧,亦要對醫學界嘅布里斯托大便分類法(Bristol Stool Scale)有所認識,分別唔同類型嘅糞便。網頁無提到應徵人員是否需要美國當地居民,而成個工作亦列明屬於遙距工作性質,只需要安裝到Tushy智能座廁就可以工作,有興趣應徵不妨去佢哋嘅網站(https://hellotushy.com/pages/bidet-2020-job-posting)睇下啦!

原圖:FB@TUSHY