患有唐氏綜合症人士因為先天基因問題,佢哋嘅外貌都比較相似,似乎同Model大纜都扯唔埋。但英國倫敦一個18歲、患有唐氏綜合症嘅女仔Ellie Goldstein就打破呢個框框,以首位唐氏綜合症模特兒身份登上知名時尚雜誌《Vogue》,好勵志呀!

Ellie自細就係瑪莉蓮夢露嘅粉絲,又鐘意化妝,喺佢15歲嗰年,模特兒公司「Zebedee Management」希望可以提高少數群體喺媒體曝光嘅機會,Zebedee認為Ellie符合要求,於是邀請Ellie踏上模特兒之路。Ellie不時會喺社交媒體分享自己做model嘅相,今年更被Gucci Beauty選中擔任睫毛膏模特兒,同Vogue Italia合作拍攝。

對於自己被選中做大品牌嘅模特,Ellie覺得好驕傲,佢話「只要遵循自己的夢想,就可實現任何目標」,也都寄語大家要「做自己,別擔心別人對你的看法」。

圖:IG@elliejg16_zebedeemodel