受新冠疫情影響,全球經濟大受沖擊,唔少人減薪、失業,而今年嘅畢業生亦註定比往年難搵到工。為此,香港城市大學特登撥款1000萬推行特別就業支援計劃,為畢業生提供一系列適切幫助。

城大學生發展處處長黃志添博士透露,城大會推出「城」就開拓計劃(Career Launch Scheme),主動同唔同企業合作,如果企業聘請城大畢業生,城大就會提供配對基金,資助畢業生三分之一人工,上限為6000蚊,為期3個月,以鼓勵僱主為城大畢業生創造更多工作機會。另外,城大嘅事業及就業能力顧問團隊亦會為即將畢業嘅學生提供專業支援,例如一對一諮詢服務,提供個人化求職建議同事業規劃意見。

圖:城市大學