日本九州最近持續暴雨,多處出現洪水。喺重災區熊本縣,81歲老翁井上三郎同佢太太節子喺上週六(4日)被洪水圍困,鄰居向佢哋拋出救命繩,井上三郎就將繩綁喺太太隻手上,但佢最終就被洪水沖走,其後喺附近發現佢嘅遺體,實在令人心酸。

節子知道丈夫嘅死訊之後,悲痛欲絕,表示丈夫生前百般體貼、無微不至,自己亦非常依靠丈夫,今後都唔知點樣獨自活下去。民眾亦紛紛表示哀悼,希望災情早日結束,亦祈求上天好好保佑節子。

日本《讀賣新聞》統計,今次水災導致超過136萬人需要緊急避難,而首相安倍晉三亦指示官員要全力拯救災民,並呼籲國民保持警惕、留意地方政府發布嘅資訊。

原圖:NHK、Twitter@crKtHR1H1UQtaO4