自從新冠疫情爆發之後,大家好耐無去旅行,至於著名「天空之鏡」,更加係諗都唔使諗!不過,其實只要加少少創意,一樣可以自製「天空之鏡」。

日本攝影師Ryosuke Miyoshi最近就利用落雨之後嘅小水氹,拍成小型「天空之境」,仲要加上貓貓做Model,拍出嚟嘅效果更加治愈!呢位攝影師將作品放上Twitter之後,引嚟好大反應,網民大讚拍得好靚貓貓好可愛咁話,有人話貓與水氹原來好嘅組合,亦唔少網民聯想到玻利維亞烏尤尼鹽沼(即「天空之鏡」),仲有網友笑好似《伊索寓言》一隻狗跌咗塊肉故事

圖:twitter.com/photobyrstyle


呢輯照片引嚟好大反應,網民話貓與水氹原來係咁好嘅組合。


只要加少少創意,就可以自製「天空之鏡」。


有網友笑話好似《伊索寓言》一隻狗跌咗塊肉嘅故事添。