政府早前推出嘅「現金發放計劃」,尋日終於開始派錢喇,唔知大家收到呢一萬蚊未呢?大家收到一萬蚊之後又打算點想用呢?財政司司長陳茂波早前就發表網誌,預計今個禮拜會有超過400億元發放到市民嘅銀行戶口,佢仲話就算只有部分流入市場,都可以發揮刺激本港經濟、穩住就業嘅作用。

陳茂波又喺網誌又提到,佢自己仲未登記申領呢一萬蚊,但佢早前已經預先將佢使咗,包括用嚟贊助一間社企嘅長者愛心飯盒,以及喺另一間社企訂愛心曲奇,準備送俾喺機構家舍生活嘅小朋友。佢仲話,能夠將我哋擁有嘅嘢,同身邊親友或有需要嘅人分享,為其他帶嚟點滴嘅關懷同溫暖,對自己嚟講,都係一種福氣。

原圖:財政司司長