上個月尾開始登記嘅「現金發放計劃」,本來最快可以喺7月8號收到一萬蚊,但政府之前亦宣佈,6月21至30日經銀行進行電子登記嘅430萬名合資格人士,可以提前兩日,即係今日就收到喇!

今日(6號)凌晨時分,有網民表示戶口已有政府過數紀錄,大讚今次派錢「準時」。根據網民嘅銀行記錄或信息顯示,最快可以收到錢嘅係滙豐、恒生同眾安銀行用戶,至於東亞、中銀、渣打等用戶,就表示暫時未收到錢。不過,可能因為太多人同時登入網上銀行嘅關係,今朝滙豐、中銀網上理財都暫時登入唔到。

圖:政府網頁