周末親子時間有咩好去處?慈雲山中心近排有個歷奇樂園新開幕,入面有長滑梯、繩網、特色鞦韆、嬉水設備等遊樂設施,仲要免費入場,啱晒家長帶小朋嚟玩~

呢個歷奇樂園喺慈雲山中心5樓嘅露天平台,最矚目嘅係一條2層高嘅鐵滑梯同大型波浪繩網陣。不過天氣咁熱,加上樂園要求除鞋入內,小朋友最好著襪遊玩,避免地下太熱燙傷對腳。樂園內有嬉水設施,啱晒炎炎夏日用來降溫,不過家長最好準備多套衫同口罩俾小朋友玩完之後換喇。除咗星期一之外,歷奇樂園每日嘅開放時間為上晝10點至下晝6點,其餘時間每個鐘頭開放一節,每節45分鐘,其中3點至4點係清潔時間。

圖:FB@慈雲山中心