喺新冠肺炎疫情期間,唔少國家嘅學校都停課一段頗長嘅時間。喺日本,就有一位媽媽利用呢段時間,訓練佢讀緊中學嘅囝囝自理能力。呢位媽媽每日會俾1,000日元(約70港元)個仔,由佢負責準備每晚晚餐,剩落嚟嘅錢就當係零用錢,令佢學識點樣去控制開支,經過8個禮拜之後佢嘅廚藝亦大有進步。

呢位媽媽由3月開始,就經常喺Twitter分享由囝囝親手煮嘅晚餐,由相片可以睇到,雖然慳到嘅錢可以自己袋,但囝囝一啲都唔hea,每餐都可以煮到好豐富。呢位媽媽仲大讚囝囝經過成8個禮拜嘅訓練之後,廚藝大有進步,除咗一般切肉、炒飯之外,連甜品都考佢唔到!

原圖:Twitter@@miramania56