喺新冠肺炎影響下,各國經濟都受到唔同程度嘅打擊,導致失業人數上升。最近,求職平台LinkedIn就推出咗新功能,增加求職用戶嘅曝光率,亦方便僱主更容易搵到適合嘅求職者。

LinkedIn早前就推出咗呢項新功能,用戶可以喺個人資料相片上標記「OpenToWork」,以展示自己嘅求職意向,用戶亦可以喺個人名片上列出自己期望嘅工作類型、上班日期及工作地點等資訊,令僱主可以更容易篩選出合適人選,增加配對成功率。

另外,求職用戶亦可以喺發布貼文嘅時候加上 #OpenToWork 標籤,再分享到唔同社交平台,從以增加曝光率。僱主只需要點擊貼文就可以進入LinkedIn網站向求職者發送信息同對話。

原圖:LinkedIn