喺2018年,香港男子沙灘排球代表劉梓浩確診患上血癌,其後接受骨髓移植,令病情穩定,不過最近佢喺Facebook透露近況,表示自己癌細胞復發,需要入院接受化療同埋骨髓移植,但佢仍然非常正面,仲叫大家唔使太擔心添!

劉梓浩喺2018年參加雅加達亞運沙排賽事期間,喺比賽期間感到不適,但仍然堅持完成賽事,之後一度發燒,喺醫生建議下無奈終止賽事,返香港檢驗確診患上血癌,需要留院治療,2019年接受姐姐捐贈骨髓,穩定病情。

直至日前劉梓浩喺Facebook透露癌細胞復發,需要再次接受化療同骨髓移植。佢嘅沙排拍檔王沛林亦喺Facebook分享佢嘅帖文,鼓勵佢要加油、積極抗病。

原圖:FB@LAU Tsz Ho/WONG Pui Lam - Hong Kong Beach Volleyball Team