唔知大家睇劇集、睇古裝片嗰陣有無諗過學騎馬,甚至做騎師呢?而家有機會喇!香港賽馬會正招募新一屆「賽事見習學員」,名額約25個,受訓期間有免費住宿並且每月可獲發薪金近1.2萬元,完成訓練將來仲有機會獲聘為見習騎師學員、見習策騎員,以及馬術事務助理等唔同職位添!

賽事見習學員嘅招募由即日起至7月24日截止,申請人只需要年滿十五歲、完成中三課程、「個性積極、專注及勤奮」以及「對體育運動有濃厚興趣及有志加入賽馬行業」就符合申請資格,毋須經驗,申請人身高並無限制,但一般見習騎師體重約103磅、策騎員約125磅,有興趣可以去賽馬會網站(https://campaign.hkjc.com/fs/racing-trainee-recruitment/ch-form.aspx)進行網上申請。

申請人需要通過體能測試、面試及策騎測試,表現最好嗰大約25位將會獲得取錄。獲取錄嘅學員將會修讀一個為期36週嘅賽馬證書課程,課程內容包括騎術、馬房管理、體能訓練、財務管理以及傳統學術科目,資歷獲香港學術及職業資歷評審局認可,有興趣嘅年輕人快啲去試下啦!

原圖:香港賽馬會