宜家市道唔好,搵工艱難,為幫助失業或待業人士增值自己,之前僱員再培訓局推出「特別・愛增值」計劃,免費提供培訓課程。雖然「特別・愛增值」第一期計劃已經喺尋日(6月30號)截止報名,但為咗令更多人受益,僱員再培訓局今日再推出「特別・愛增值」計劃2,錯過咗上次嘅朋友記得把握機會喇!

「特別・愛增值」課程範疇包括「職業技能」、「創新科技」同「通用技能」,而第二期計劃就會新增「青年培訓課程」、「少數族裔人士課程」同「殘疾及工傷康復人士課程」,唔同年齡、種族嘅人士都可以進修。課程選擇亦比第一期豐富,包括中西餐烹飪、品酒、遊樂船隻操作、App開發、網頁設計、安老護理、物理治療、健身指導、珠寶設計等多達300個課程,選擇多到學唔曬。呢個計劃除咗可以提供免費進修機會之外,仲有特別津貼添!詳情請參閱:https://www.erb.org/scheme/tc/Main/

圖:僱員再培訓局網頁