親人因病離世,偏偏在生嘅時候又無留低太多相作為紀念確實好可惜。台灣有個女子因癌症去世,死後捐出遺體成為「大體老師」,但女子生前影落嘅相唔多,連妹妹最後一次探病影嘅相都係插滿喉管。於是妹妹嘅朋友就擺女子張相上網,想請網民幫手P圖,等女子嘅父母有個美好留念。呢個求P圖post一出,熱心網民大受感動,紛紛出手,幫女子P出最美遺照。

女子妹妹嘅朋友喺FB群組「爆廢公社二館」發文,請高手們幫手P走女子插住嘅喉管。熱心網民被女子嘅大愛精神感動,紛紛出手。除咗P走喉管之外,有網民更幫女子美肌,亦有網民細心P走病人嘅手環,幫佢增添笑容,甚至改變髮型,務求令女子嘅遺照變靚。出post嘅朋友見到網民一呼百應,感謝大家幫忙之餘,仲話會將網民P嘅相save低sd俾女子嘅父母,希望可以撫慰佢哋失去女兒嘅心。

圖:FB@爆廢公社二館