受新冠肺炎打擊,今年經濟低迷,無奈本港物價依然高企、租金又貴,令好多低收入人士生活更艱難。2019年施政報告提出透過關愛基金,向非公屋、非綜援嘅低收入住戶,發放兩次一次過生活津貼(俗稱「N無津貼」),呢個津貼由下個月2號就可以開始接受申請喇!

今年嘅N無津貼額比2016年增加超過1成,1人住戶4500蚊,可以由7月2號開始申請;2人住戶9000蚊,8月3號開始申請;3人住戶12500蚊,9月1號接受申請;4人住戶14500蚊,5人或以上住戶15500蚊,4人或以上住戶就要等到10月5號。所有申請會喺11月30日完結,一般申請後2個月可獲發津貼。合資格人士可將填妥嘅申請表格連同所需證明文件副本,親身遞交或郵寄至附近嘅服務單位。申請表格可以喺社署地區福利辦事處、各區民政事務署民政諮詢中心領取,或喺關愛基金網頁下載。

圖:香港政府網頁