全球人類製造嘅垃圾越來越多,但偏偏就無一個系統、有效嘅方法處理。最近英國廣播公司(BBC)嘅一段影片揭示,大量西方國家產生嘅塑膠垃圾,會成堆運去印尼燃燒。垃圾喺燃燒過程中釋出有毒嘅二噁英,對當地嘅環境造成嚴重污染,更有小朋友因此出現呼吸困難!

大量塑膠垃圾喺印尼焚燒,釋放出有毒嘅二噁英,二噁英可引致心血管疾病、癌症、糖尿病同子宮內膜異位,同時對生殖健康同成長發育有負面影響。焚燒工場附近嘅居民經常見到大量白煙冒出,而且味道好大。有村民嘅小朋友更因為吸入過量二噁英,出現呼吸困難症狀,入咗兩次醫院。二噁英同時亦污染當地食物鏈,喺焚燒工場附近生產嘅雞蛋,二噁英含量足足超過歐洲安全標準70倍。

雖然印尼政府承諾會將越來越多嘅垃圾送返來源國,但對於會否全面禁止西方國家嘅塑膠垃圾運往印尼,仍有待觀察。

圖:FB@BBC中文網(繁體)