新聞不時有女士被人用迷姦水迷姦嘅報道,而近期內地出現咗一種「聽話水」比迷姦水更危險!呢種聽話水只需要一滴就會令人昏睡,受害人醒返之後更加會忘記昏迷過程,認真恐怖!

江蘇南京警方近來破獲遍及全國嘅網售毒品案,涉案人數超過900人,行動中被檢獲嘅其中一種新型毒品「聽話水」,含有「γ—羥基丁酸」成分,已被列入國內有麻醉同精神藥品品種目錄列管成分。警方指,呢種成分「在幾秒鐘之內就可以使人產生昏睡效果,並且在醒來之後對昏迷過程是失憶的」。警方又指出,聽話水可以偽裝成餅乾、糖果等,令人防不勝防!目前發現至少有十幾宗性猥褻案件同聽話水有關,疑犯往往會買聽話水用嚟約網友,藉機投藥性侵,更有人影低受害人被侵犯嘅相片同影片。警方提醒大家,去酒吧、KTV等場所聚會,或者同陌生網友見面嗰陣,一定要保持警惕,睇好自己嘅食物同飲品,唔好被壞人有機可乘!

圖:CCTV