兩年一度嘅全港運動會對於明年4月至5月舉行,第八屆港運會籌備委員會早前就舉行咗啟動禮,並且宣布活動詳情。今年大會設計咗3組吉祥物俾市民投票,最高票數嘅設計到時將會成為今屆港運會嘅吉祥物,市民而家開始就可以去到港運會網站(https://www3.lcsd.gov.hk/HKG_PUBLIC_8TH/mascotVoteHKG_ZH.do)投票。

此外,第八屆港運會籌備委員會主席葉永成表示,今屆港運會會繼續設有8個比賽項目,包括田徑、羽毛球、籃球、五人足球、游泳、乒乓球、網球同排球,但因為新冠肺炎疫情關係,今屆嘅地區運動員選拔賽會延後至9月舉行,大會亦會密切留意疫情最新發展,作出相應安排,期望到時可以喺疫情受控嘅情況下進行運動員選拔同各項宣傳活動。

原圖:第八屆全港運動會