九巴最近舉行一個名為「九巴過海路線大抽獎」活動,乘客只需要乘搭3次過海巴士路線,並且到九巴手機應用程式App1933登記八達通號碼,即可參加抽獎。每週名額1000個,獲抽中嘅乘客可以獲得價值1,030元嘅九巴月票連八達通卡。乘客就可以用月票每日任搭10程九巴,想去邊就去邊。

今次活動由下個星期一開始舉行,為期4個星期,乘客需要每個星期都到手機應用程式App1933登記八達通號碼,先至可以參加晒4個星期嘅抽獎,乘客每搭1程過海巴士可獲得1分積分,累積滿3分就可以獲得1次抽獎機會,滿6分就2次、滿9分就3次,每張八達通卡每星期最多可以有3次抽獎機會。

登記方面,例如乘客喺7月1日登記,所有於第1期(即6月29日至7月5日)內適用嘅乘搭次數都會自動計算在內,而第1期嘅得獎名單就會喺7月14日開始喺手機應用程式公布,得獎者可以喺辦公時間內致電34067456查詢領獎安排,並且2020年8月31日或之前領獎。

活動網址:http://www.kmb.hk/tc/news/press/archives/news202006253651.html

原圖:大公報、KMB