隨住疫情放緩,海洋公園都重新開放,仲推出全新嘅免費親子活動——「Redd's五感發現之旅」。海洋公園嘅發明家小紅熊會帶領小朋友同爸爸媽媽用有趣嘅形式喺園內探索,齊齊發掘大自然嘅奧秘。

園內設置唔同嘅探索地帶,融合「自然遊樂」同「體驗式學習」元素,需要小朋友運用視覺、聽覺、觸覺、味覺、嗅覺五種感官,令佢哋喺探索過程中激發好奇心,鼓勵佢哋主動觀察、探索生態奧秘。

嚟緊7月仲會推出收費活動「花草麵包創作坊」,小朋友同父母可以一齊發揮想像力,為意式香草包設計造型,啟發小朋友嘅五感同創作。

圖:海洋公園