雖然端午節已經過咗,但屋企難免會剩返啲糉未食完。食糉好易滯,加上夏日炎炎,唔少人會同時飲下凍飲、食啲生果消滯兼補充啲纖維,但原來糉係唔適合同生冷嘢一齊食,否則會引起腸胃不適!

台南市立醫院中醫師楊茲甯指出,糉主要由糯米、豬肉、鹹蛋黃等食物組成,都屬於油膩黏滯嘅食材,對腸胃嘅負擔比較大。食完糉再食生冷嘢,例如西瓜、哈密瓜、雪糕、凍飲等,會妨礙胃功能運作。糯米等油膩食材遇冷容易凝固,變得更加難消化,最後反而滯留喺胃入面,導致食積腹脹,甚至引起噁心、嘔吐、急性腸胃炎等。

楊醫師建議,食糉可搭配消積解膩嘅溫熱茶飲,好似洛神花茶、山楂陳皮茶、玫瑰花荷葉茶咁,既可去油解膩,又可以促進腸臟蠕動。

圖:HEHO,網上圖片