疫情稍緩,為恢復粵港澳三地居民往來,政府早前公布正研究推出「港版健康碼」,等有特別需要人士喺接受病毒檢測後出入境時豁免14日檢疫。有報道指,港版健康碼將會喺下星期推出,大家記得繼續留意喇。

要申請港版健康碼,就需要喺其中一間指定嘅醫院(養和醫院、仁安醫院、港怡醫院、荃灣港安醫院、香港港安醫院),或私營化驗所(栢立醫學化驗所有限公司、香港分子病理檢驗中心有限公司、基因檢測公司Prenetics)接受病毒檢測,如結果呈陰性,檢測機構就會將資料交俾衞生署, 俾申請者喺出入境時申報,以豁免14日檢疫。每個健康碼有效期係7日,逾期後想豁免檢疫就必須再次申請。

上述指定嘅醫療機構病毒檢測收費由15003000蚊不等,而首批「港康碼」只接受專業人士、有公務或商務需要嘅旅客申請,先到先得,預料每周有20003000個名額。

圖:中新社