近日喺唔同社交網站都出現名人轉換性別之後嘅相,呢啲相其實係來自一個叫FaceApp嘅應用程式,用戶只需上載相片,就可以轉換相中人性別。有唔少網民亦都將上載自己嘅相,再將轉換性別後嘅相片,分享到社交網站。不過美國聯邦調查局(FBI)去年就曾經警告,包括FaceApp等由俄羅斯公司研發嘅應用程式有潛在情報安全風險,有機會被俄羅斯政府用嚟竊取個人資料,大家用嘅時候就要小心謹慎喇!

FaceApp由俄羅斯公司Wireless Lab研發,利用AI演算法為相片中嘅人轉換性別。Wireless Lab位於俄羅斯聖彼得堡,FaceApp回應FBI嘅指控時表示,佢哋唔會永久儲存有關相片同收集數據,只會編輯用戶上載嘅相片,而所有資料儲存喺俄羅斯以外、由Amazon(亞馬遜)同Google運作雲端伺服器裡面,亦無將用戶資料出售或分享俾第三方。現時FaceApp已經亦已更新私隱政策,不過使用嘅時候亦要慎重考慮喇。

另外,FaceApp嘅訂閱問題亦受到用戶批評,有用戶表示喺刪除應用程式之後仍然被收費,感覺受到欺騙,要求退款。FaceApp回應就表示,Android用戶要取消訂閱就要去到Google Play取消。至於iPhone用戶,就要去到App Store取消。想取消訂閱嘅用戶就要留意有無做足呢啲步驟,唔係刪除咗個應用程式就取消咗訂閱㗎!

原圖:boredpanda.com