食麵包嗰陣好多人會點醬嚟食,花生醬、果醬、朱古力醬、牛油、煉奶你最鐘意點邊款?原來傳聞中令人聞風喪膽、卡路里超標嘅花生醬都唔係最邪惡,真係天外有天!

花生醬主要由花生、糖、油、鹽製成,齋睇呢個陣容就知脂肪含量唔低,每100g有成600kcal咁高。朱古力醬都唔輸蝕,高糖高脂肪,有成539kcal。煉奶雖然只得329kcal,但糖分、鈉含量高,點得多都無益。果醬係咁多款入面最低卡,得256kcal,但都屬於高糖食物。

最後,究竟邊款最邪惡呢?答案就係牛油喇!因為牛油嘅脂肪同鈉含量都係5款入面最高嘅,有成625kcal!不過,大家又唔使咁擔心,營養師認為,適量進食其實無大問題,但需要選擇天然牛油,而唔係用反式脂肪製造嘅植物牛油。

圖:ciao.kitchen