端午節快樂!今日係農曆五月初五,古人話由今日開始,蛇蟲鼠蟻大量繁殖,好容易有疫病,所以會喺今日用蘭草沐浴、喺門口掛艾草、飲雄黃酒嚟驅走蚊蟲,呢啲端午節習俗亦延續至今。

雖然時代變咗,但古人嘅智慧依然適用。黃千毓中醫師話用蘭草沐浴,可以能利水化濕,辟穢濁,對體內濕氣太重引起嘅濕疹亦有治療效果。而艾草同菖蒲唔單止可以驅走蚊蟲,本身亦有幫助抗病毒、清熱解毒嘅能力。

用艾草、菖蒲嚟做香包,除咗可以掛喺屋企驅蚊蟲,仲可以加上沉香、艾草、藿香、白芷、薄荷等芳香嘅藥材戴喺身上,可以防蟲袪病,芳香醒神。

圖:網上圖片