又到端午節,亦即係食糉嘅節日,唔知大家屋企買咗啲咩糉呢?想應節又想食得健康啲應該要點揀,一齊睇下市面常見5款糉嘅熱量先喇~

 1.鹹肉糭(800kcal

我哋最常食嘅糉,餡料豐富,有冬菇、五花腩、蛋等材料,但熱量亦相當驚人,食一隻已經等同食咗2碗幾白飯。當中鹹蛋同五花腩更係高膽固醇食物,係「三高」人士嘅大忌!

2.裹蒸糉(1400 kcal

裹蒸糉同鹹肉糭傻傻分不清?其實兩者分別在於包糉方法。裹蒸糉用荷葉包餡,而鹹肉糉就用竹葉。裹蒸糉一般亦比較大隻,主要由糯米、綠豆、豬肉、鹹蛋黃等製成,比鹹肉糉更邪惡。

3.鹼水糉(300~400 kcal

鹼水糉一般唔包餡,原本係糉入面嘅低卡之選,但好多人都鐘意點糖或糖漿嚟食,導致攝入額外糖分。而宜家市面上多咗紅豆餡嘅鹼水糉,所以熱量亦相對較高。

4.豆沙糉(400 kcal

熱量同紅豆餡嘅鹼水糉差唔多,不過要留意豆沙含糖量較高,升糖指數亦唔可以睇少。

5.冰糉/水晶糉(140 kcal

可以話係最低卡嘅糉喇!冰糉捨棄咗傳統嘅糯米做材料,熱量大大降低,通常以南瓜蓉、紫薯蓉等做餡,凍凍地、甜甜地咁,食落清爽又健康啲。

圖:網上圖片